Liebe Fasnachtsfreundinnen
Aufgrund diverser Nachfragen hier noch unser Programm 2020 in Bern.
Thun und Kriegstetten waren wir ja schon und es war...
um nicht zu sagen...
Und nun, die dernière à la capital Bernois. Wer uns noch oder nochmal sehen möchte, oder auch aus dem Weg gehen will, dem sei folgendes Programm nahegelegt:
Donnerstag 27. Februar
20.40 Uhr: Restaurant Schlüssel
21.00 Uhr: Restaurant Parlament (wäre knapp iiflüge)
21.15 Uhr: Zunft zur 5. Jahreszeit (mir ev. wärde z'spät cho... sicher)
21.40 Uhr: Schwingbesen (o hie, better late than never...)
22.00 Uhr: Klötzlikeller, 22.00 Uhr (nume wenn's z'suufe git)
22.20 Uhr: Restaurant Webere
23.00 Uhr: Della Casa
23.30 Uhr: Hotel Kreuz (Pünktlichkeit ist eine Tugend, wo üs a dem Abe abhande wird cho si...) mir wärde pressiere...
Unsere Schnitzelbänke von der Berner Fasnacht 2017
Liebi Fans vo Kuschelmuschel-Schnitzelbänk
Für aui wo's verpasst, verpennet oder no nid gnue gseh hei, hie üse Ufrtitt uf dr VIP Bühni ar Berner Fasnacht!
Nämet nech es Popcorn, es geit 16min...
Mir säge scho mau Dankeschön u meeeerci viu mau!
Bis gli!
Als Promi bruchsch ä Homepage, das isch unumstritte u dr Papscht ds Rom het jetze, ou sone Site Mails chasch ou schicke, eifach kener vrdorbni U d Adrässe die lutet : urbi@orbi
Mir hei „braeking-news“ Lüt, jetz müesst Dir lose dä Deal mit de Kampfjets, isch faschgar i d Hose Murers Ueli vrlangt, u het kommandiert, das i däm Flugi, ä zwöite Sitz wird montiert !
Dr Bligg und ou dr Stress, dä het, uf sim i-phone druff äs „räpäp“ und wär gärn öpfu ässe tuet, holt Infos uvem äpäp und ds mind-map-äp hlift Johann Amman,des öftern usem Schneider u ds Tschäp-äp, das isch waseliwas…ä super Aperofinder
Dr Kevin, dä Freak man, isch cool und seit öppedie „fuck“ Är gamet, är twitteret und postet uf Facebook Är schribt:„voll piinlech näbe drann, mann, ghöri d Eltere Vögle“ Dr Papi schribt zrügg: „interessant !..... i bi no am Bügle“ !
Wülls so erfolgrich tüeg loufe, wott d MIGROS sofort äs zwöits Westside boue, amene angere Ort äs wird bouglich erstellt, si tüesech scho brüschte erföffnet wird demnächscht, bi de Tschingge ar Küschte
S gseht faschgar- glich us- so schief dert im Meer u vrgliche mit üsem, isches öppe glich leer Im Gägesatz si die üs, aber i eim Punkt vorus für ga ds Bade, hei die wenigschtens Wasser im Huus.
Dr Käpten isch truurig, äs nähm im dr Muet das me ihn so unschuldig vrurteile tuet als Patriot heig är de Gescht nur ds Land wölle zeige und sich ehrvoll samt Schiff vor dr Küschte ds vrneige
är isch stolz wine Moore, de Franzose ire Muni si het kalberet am Sarko-sini Bruni är het druf ufe möge, u eis freut ne no meh är isch nümm dr chlinscht Pufderi im Elisee
Gedanken zum Fasnachtsplakat: sisch gwohnheitsbedürftig, äs tünkt üser einer s gseht faschgar chli us, wi usem Container d Idee vo däm Künschtler cha ig nid klar erkenne me chönnt meine ä Pelier, wett üsi Fahne vrbrönne
Vo allne Kantöön isch Baasel dr Beschti Die sinn immer so logger, d Fasnacht isch di greeschti, und ire Roger isch roger, äu bim tschutte sinn si voore Baasler sinn glatti Sieche,wenns nid so säublöd wordi schnoore
Äs Päärli hets Französisch gmacht, Ihn hets dünkt äs sigim glunge U d Frou het dementiert u gmeint: „I ha das ender griechisch gfunge“ „Aber griechisch, mi Schatz isch doch eiwäg ume“seit är zum Schätzeli Si wüss das scho, si mein halt meh: „das sig ä riise Pleite gsi !“
Ir Bundeshütte geites ruch u mängisch no chli ruppiger U dadruf riimt sech (he) Dir wüssts ja scho: natürlech Bruno Zuppiger Dr Seppi Blatter het Erbarmu : „tüet dä Maa nid lengur schlüüchu !“ Där passt beschtens in die FIFA dri, settig Mannu chei wir brüüchu !!!
Politisch isch dr (T)hömeli Fuchs, gnau glich wi privat immer potänt, mängisch chli stif, und für jede Seich parat politisch, het är ganz churz am Nationalratsnektar glutscht wi gschmieret isch är ine grütscht u grad ume use gflutscht
Trotz Widerwahl würkt ds Evelin, langsam ä chli alt u das lat dr „smili-Grunder Hans“für enisch mal nid chalt „pimp my Schlumpf“ dänkt är und schliesst mit Coop ä gheime Pakt Das alte Bündnerfleisch, wird us de lümpe gno und wider neu verpackt !
Schnelldurchlauf 2012
Wenn eine tannigi Hose hett….
Bunga-bunga-Berlusconi, fertig luschtig, bisch vom Tisch ja Silvio, jetz hesch gseh wis tuet wede sälber gvöglet wirsch
Guttenberg, Wulff, stross-Kahn Zuppigers Brünu und dr Hilderbrand scho hättemer wider föif Ma für d FIFA-Spitze binenand
und in ängland, da die Qeen, di isch ja sehr solide sit 60 Jahr ufem Thron, i hät scho lang Hämorrhoide
u gheit Dir deheim ufe Gring dini Dilli di längi Wili tuet sich ischliiche hmmm, i ds Westside use ga bade, wobi der widerfahrter ds Gliiche !
im Kasseschturz dert weisi teschte ä so Vibratore, di hei de Muet zwar weisme no nid was de besser isch „befridigend“ oder „guet“
04 / 08 / 012 / 016 und d Wahle vom Zwöitusigzwanzig allerspätischtens de denn, isch dä Schori langsam ranzig
Drs SCB, dr Schlittschueclub, gloubets üs, das isch zum pääge die unge bi de Schlifschue, a de Kufe Widerhääge eis wäri da no ds säge, u das cha nid jede Gigu mängisch geits ratz-fatz u d BAZ ghört uf ds mal am Chrigu
u we de Wincent raven vrschwinde tät, mi würdne schnäll vrgässe nur gits im Tschungel gloub kes Vich, wo dä Grüsu wetti frässe
U Grieche tribes nümme „griechisch“ äs git äs riisegschrei dert inne heigi nümme Platz, wüll si dr Arsch voll schulde hei
Hei Giele, di Winiger da, di Melanie di schint ja wider aleini ds si ha chürzlech gläse i dr Press jetz sigi neuerdings „stressless“
Dr Flöru seit zu sim schätziputzi „i liebe Di ganz feschti“ U ds Francine seit zum Florian: „zeigmer mal dis Eschtli!“
u dr neu Fründ vom däm Epiney meint: „i vrlange vo dir nur weni , i zahle dir ä blanke Penny, u du zeigschmer schnäll di Sveni
ä Tschinggu wett äs Riseschiff erschtah, är tüeng sechs ärnschthaft überlege. U dr Händler seit: „erfreut ja gärn, i tuenech eis uf d Site lege !“
vil Froue pfötle uf irne smartphones ume mi tünkt`s das sig ä Süch dir würdet gschider üs chli täuple aber für das sit Dir de ds schüch
