Die drei Musketiere
Weit Dir chli schnizubänk ?....DEAL OR NO DEAL ?
Tell
Wo dr Herrgott het dr Mönsch erschaffe,
het är sis Wärk agluegt
Bim Maa da het är sälber gschtuunet
so schön, dasch SUPERGUET
ou d Frou wotts sofort wüsse
u tuet am Herrgott winke
„ja bi Dir gsehts ä chli angers us
Du muesch di halt de schminke"
Scho rächt lang wird Bärn nur vo Vierne regiert
fürne Füfte ga ds wähle hets nid so pressiert
Doch mir frage Euch bringts es,weme ä nöie no wählt
Me hets doch gar nid so gmerkt, das überhoupt eine fählt
Wäm isch de eigentlech das Glesli da ?
Üses Bundeshuus, dir wüssts ja, wird soutüür saniert
U glich gits jetz voorigs, sisch ds vil budgetiert
Mitem Räschte wo blibt bout me jetze adrett
Für d Schwizer-Moslems äs schöns Minarett
Tell
Äs Problem vor Jugend sigi schins,
u das sig höch i ds schtuffe
Dasssi - chum si d Windle furt -
sech i ds Nirvana suufe
We di Junge hingäge gnue voue si,
tuet sich äs anders Problem behäbe
wüll we die bsoffe schlegle
preichesi ou meh drnäbe
Heit Dir gmerkt all die Wildtier wo uf ds mal si cho
hei die all im Dällhölzli, ächt Usgang becho
Sigs dr Bruunbär, dr Bruno, sigs dr Wolf oder ä Luchs
bsungers ecklig hie ds Bärn, tünkt mi zwar ou dr Fuchs!
(Iiiii Dir, dä macht de Bruuuni Gaggeli)
Tell
D rot-grien Regierig die vo Baasel, die häns gwaltig lo krache
Für eimol hän die s Wasser heiss und nid nur warmi Luft welle mache
s Projaggtli isch in d Hoose und gründligg abvreggt
jä zum erschte mol hett Baasel im warschte Sinn eppis bewegt
Bi dr Bouschtell am Bahnhof het chürzlech ä Fläsche,
vor Schwanegass nitsi, die ganzi Stadt gwäsche
säget wüsst Dir wär tschuld isch, wär dri isch vrwicklet
a däm Tag heig nähmlech dr Göle dert Picklet
Tell
Bim Vorfall denn sigs Rohrbruch gsi doch das isch nur ä Mär
Sit Spatestich geits dert im Loch, gschpänschtig zu und här
Uf ds mal si d Bouplän furt, dr Polier & d Mässgrät schpinne
tschuld isch äbe dä wo Pickle tuet u leider ume wott singe:
Ha geng ä paar Beize läär gsunge
Dr Picku chli gschwunge
Im Loch wott me mi nümme gseh
I bi ke Püetzer meh !
Tell
Mitem Klima uf der Wält, da tribes d Mönsche eifach ds bunt.
wülls bi üs geng wärmer wird - da drann gö mir no ds Grund.
Reagieret Lüt dir müesst üs gloube, süsch blibt die Wält nid heil !
ä Fasnacht so wi ds Rio zwar, wär hie ds Bärn ou no geil !
Tell
Dr Saddam hett me ghänkt, s wär zwar erschiesse vorgseh gsi
„me wöll uf Nummer sicher ga" ds Gricht hets gänderet hinde dri
Si hei sich füre Strick entschlosse, das gängi drum chli schneller
wüll als Schütze wäre vorgseh gsi: Degen, Barnetta und Streller.
Ä Bundesrat gits, är isch als "Moriz" bekannt
Scho ewig, so dünkts mi, isch dä i däm amt
Si sicher zwölf Jährli, so lang machts eine sälte
Im Schwoobeland würdi dä scho als „Gammelfleisch" gälte
Mitem beschte Mix us de 80er, juhee
Mitem beschte Mix us de 90er o weeh
U mite Megahits vo hütt jesses Gott
U zwüsch inne da schnure si hüüfewis Schrott
Schnälldurchlouf :
Wenn eine tannigi Hose het und hagebuechig Strümpf
de chaner Tanze wie är wott, äs git ihm keiner Rümpf
zersch zum Ghüder
üses nöie Ghüder-Reglemänt,
isch regurächt zum pääge
sisch klar s wird alles türer,
wüll jedes Seckli jetz muesch wääge
u ds Tram i weschte, macht jetz Sinn
das hättime chum gloubt
wüll die Bieridee ds entsorge
nöi türer chäm als wemes bout !
U da dä Hügli öppe ds wähle
Das füehrt doch niene häre
Dä ds entsorge, das chäm de Tüür
Wüll das isch nähmlech de ä schwäre
Statt Sibe sines ds Bärn no füf gsi,
när hett no eine müesse passe
u jetz sisi nur no ds viert
u jetz passts grad guet für ds jasse
Jetz muesi gli ä Füfte wähle
u s wott mir keine richtig passe
u da dä Schliimer, dä (Ba)Nause
dä wie die sichr nid für ds Jasse !
Die Cablecom tuet Sänder schtriiche
äs sisch scho fasch zum Piischte
nur schad isch üses Telebärn,
nid ou uf dere Lischte
S cha chalt si wine Sou
Im schnäddere sisi alli Siiger
emsig chömesi cho ds schtäckle
di nordic walking Wiiber
no eine zum Thema
Schischtöck und Schtirnband si montiert
d Helfti vo dene hett scho Ränte
i jedem Hunsdräck-wäldli
triffsch di nordische Schtockänte
U das Glsdach dert bim Bahnhof,
das riisegrosse Wisse
das gseht de sicher super us,
we alli Tube drüber flüge
U dr Schlittschueklub, dr SCL
gloubets üs äs isch zum pääge
die hei unger a de Schliifschue
bi de Kuufe Widerhääge
Theme ds finde für so Bänk,
das isch mängisch no rächt schwär
Zum Glück chunnt geng um d Fasnachtszit
das Vogelgrippeli drhär
Gäge Roucherhueschte hilfts dir sicher,
wett hörsch rouche, hilfsch ä Wett ?
jäää was hilft de jetz ächt eim,
wo d Vogelgrippe hett
Schprüch hei mir jetz keini me, mir hei nüt me i dr Hang
ds einzige wo mir no wei, isch Wein, Weib und Gesang !
