Montag, 12. Februar 2018

Üses Programm 2018

Hey Partyfudis

Hie steit wo dir üs drü Zouberflötlis ar Berner Fasnacht hochoffiziell finget, gseht und - wenn dr pünktlich sit - ghöret...
Auso nume wenn dr e Plakette heit!!!
Ohni Einhorn am Revers oder Rock oder mira i de Ungerhose gits nüt. nix.
Denn öpper wo kes Einhorn wott, däm isch nümm z'häufe!
Me cha se o direkt bi üs poste, natürlech mit persönleche Widmig *gnihihi*

Schnitzelbank-Soirée am Donnschtig 15. Februar

20:45 Uhr   Arlequin                              Grächtere einefüfzg
21.20 Uhr   Zunft zu de füf Jahreszite    Grächtere einesächzg
22.00 Uhr   Restaurant Rathaus              Rathausplatz
22.25 Uhr   Zunft zur Webere                 Grächtere nünesächzg
22.50 Uhr   Schwingbäse  (Keller)         Grächtere vierevierzg
23.40 Uhr   Restaurant Schlüssel            Rathausgass zwöiesibzg

Hossaheisse Fritig 16. Februar

19.45 Uhr   Chötzlichäller                      Grächtere swöiesächsg    
20.00 Uhr   Rest. Schlüssel                    Rathusgass zwöiesizbzg
20.20 Uhr   Schwingbäse (Keller)          Grächtere vierevierzg
20.45 Uhr   Moorechäuer                       Chramgass zwöüf
23.00 Uhr   Zunft zu de füf Jahreszite    Grächtere-einesächszg


Haarige Samstig 17. Februar


11.30 Uhr   VIP-Tribüne                       Zähringerbrunne
19.00 Uhr   Schwingbäse (Keller)        Grächtere vierevierzg
19.45 Uhr   Chötzlichäller                   Grächtere swöiesächsg     
20.45 Uhr   Moorechäuer                    Chramgass swöüf
23.59 Uhr   Rest. Schlüssel                  Rathusgass zwöiesizbzg
Danach      Zunft zu de füf Jahreszite  Grächtere-einesächszg


Mir freue üs ufe Saison-Abschluss mit euch!

Mit dreifachem Einhorn-Furz

Freitag, 17. November 2017

Plakat und Plakette Berner Fasnacht 2018

Die drei Musketiere im Radio! 

Das nenne mer mau aständigi Fakenews...


Mit dreifachem Büchsensalut
Eui drü Fifauterlis

Sonntag, 5. November 2017

Fastnachtsplakat und Plakette vor Bären Fasnacht 2018

Da ist das Ding!

Zu üsem 20 jährige Jubiläum hei mir drei chönne das Fastnachtsplakat und Plakette gstaute! Mir hoffe es gfaut euch!

Warum es Einhorn?

D’Fasnacht sich doch eifach nume schön!

So hei mer die’schönst müglech vorstellbare Figur ines Bärekostüm gsteckt: und das isch nebst üs Drüne es Einhorn. Egal öb jung oder alt, öb Mirgos- oder Coop-Ching ... – Gägenes Einhorn cha niemer öppis säge. Phantastisch, fabelhaft, verzaubernd und wie üsi Fasnacht. „eifach nume schön“. Und o chli frech – es isch ja o scho es Zytli här, wo üsi Fasnacht ihri Unschuld verlore het.

Zudem isch us – zuegänenermasse nid 100% verifizierte - ur ur ur alte Quellene überliefert, dass dr Herzog Berchthold V von Zähringen denn 1191 uf dr Aare-Halbinsel es Einhorn gseh söu ha. Itz muess me wüsse, dass dennzumau bim rite u jage no ke Promille-Grenze bestande het... däm aute Schluckspecht hät das ja nie öpper gloubt – so het dr Berti eifach dr nächst best Mutz erleit. Drum isch o dr Bär itz uf Bärns Wappe und natürlech ds’Fasnachtstier vo Bärn. Süsch wär das scho lang es Einhorn...

Aus witeres Element ufem Plakat isch da ä Häx am umesirachne (sexy hexy), aus Homage a die ebenfalls langjährige Tradition vo dr Hexefasnacht.

Denn: Die ET-Szene isch es Symbol aus üsere Jugend (ja mir si so aut) und glichzytig für die offebar stark politisch geförderte Velostadt Bern... offe blibt, wer de da im Velo-Körbli hocket, aber mir wie ja de Schnitzelbänk nid vorgriffe.

Zuguter letzt isch da no es Dixi-WC, das wie eine Rakate i Himmel schiesst. Schliesslich si die Dixis a jeder Fasnacht immerwieder wortwörtlich e Brönnpunkt.

Vielen Dank am Verein Bärner Fasnacht VBF - Es isch üs e grossi Ehr. Merci o für die grosszügige Gage, wo mir a diejenigen spenden, wo’s nid eso schön hei. Die Gage für das Plakat spände die „Die drei Musketiere“ der Stiftung Theodora, wo Ching im Spital durch Freude und Lachen aufmuntere.

Fasnachtsplakette kaufen - isch eigentlich wie nes Eintrittsticket

Und denn gaaanz dringend no e Durchsaag a aui Bazzechlemmer u Chrüpfedrücker:
Chouf dir öppis Schöns. KAUF die Plakette und unterstütz dadrmit die Berner Fasnacht.
Traget es Einhorn. Tragets mit Stolz. Für Bern, für Fasnacht.

„It will make you great again.“

Die goldigi Plakette glitzert übrigens am schönste. Und es het nume sehr weni...gloubs es het scho fasch kener meh...

Plakette Bärner Fasnacht 2018 - Die drei Musketiere finden, das ist wie ein Eintrittsticket für die Bärner Fasnacht

Itz zum Schuss fordere mer gärn: häre mitem Glitzer für Bern!

via GIPHY

Merci via mau
Eui drü Pimentos