Freitag, 20. Januar 2006

Fasnacht 2006

Die drei Musketiere

Üsi Michlin und d Merkel, die vo de Schwobe,
die Zwo die hei ds Heu, nid am gliiche Ort dobe !
Doch i eim Punkt, tüe si vo-ne-nang nid abwiiche
zum Coiffeur gö si uf all Fäll, beidi zum gliiche

Tell

the Tschortschi meens to Billy:
"last year hani de Schwein gha"
"äs hetmi fasch vom Sässel blast,
wäg dere bloodie Kathrina!"
the Billy meens: „it`s not so crazy,
you bisch ja geng no da !"
for me isches denn chli schöner gsi,
mit Lewinskis Monika!"

Tell

Mi Kolleg, dr Hene geit bim RAV, öfters i und us.
Nid wüller dert büglet-nenei für das, fählt ihm de dr Pfuus.
Unter Meitschiröck, luegt är ou nümme,
är tuet keim me nachespringe,
me chönnt drum dert, das weis är gnau,
no offnigi Stelle finde.

Tell

Bim Prieschter wott das Grosi da, no latinisch ga Studiere.
Äs wöug, für wes i Himu chäm, de mit dene dert parliere.
Dr Prieschter fragt, was wäri de, wes si i d Höll würd cho,
ja das sig nid so schlimm seit si, chlei Türkisch chönn si scho.

Ja jetz wottme bi üs hie die Kampfhüng vrbiete,
Du darfsch weder züchte, no choufe, no miete !
d SVP isch gäg all das, dene lat das kei Rueh
süsch müesste die doch, weisch wie, dr Blocher abtue !

ä ja liebe äh Bürger, jaaa äh es ist ein schöner äh Bräuch
und ich äh gläube jaa äh, mich freut es äh ja äuch.
Aber eins äh eh liebe Läute äh bereitet mir äh Kummer….
Hei Moriz dr 1.Ougschte isch ersch de im Summer !

Tell

So feine guete Zibelechueche, dä hani ja so gärn.
Dä isch nid nume fein, sondern ou gsung für miner Därm !
Mir hettne d Frou vrbotte, si wöugi nümme lenger lide,
dr Gschtank das wär no Eis,
doch Finschtoub müesme jetz vrmide

Tell

Im Seeland, gneuer ds Galmiz, dert isch, d Luft ändgültig duss.
Äs fragt sech jetz, wi bhaltet me, das Land dert hie im Schuss.
Mir hei, sich klar, scho ä Plan im Sack,
me müesst aber scho fasch chli hetze,
Me chönnt doch dert, wit wäg vo hie, üser Zibelegringe setze

Üsi Stadioneröffnig, die isch ja nid ä so worde
U bimene Häärli, wär no eine fasch gschtorbe!
Dr Ballon wird geng chliner u vrschwindet nach Norde
während däm Mannli siner Ouge geng gröser si worde

Das Glasdach da bim Bahnhof, wo d Stürbatze tuet schlisse,
gseht souguet us, zmingscht wes d Tube vrschisse !
tüet das Dach doch uf Galmiz,
i chume fasch scho i ds Schwärme
d Zibelegringe, hätte dür das de ersch no grad Schärme.

Wägem H5N1 hettme d Hüehner ine gno,
nid grad ganz alli, wi üs ds Ohre isch cho
ja mir heise glob gfunge, si si scho chli vrhützt
mir hei nähmlech ir Altstadt, vori d Wöschwiiber krützt

Aber achtung, me mues di Sach mit Vorsicht betrachte
S git no meh Bänkler, wo die Stallpflicht missachte
Die dörfte gar nid i ds Freie, wo äs fins Lüftli tuet wäie
I dänke da grad a „di Schwarze", u ane näbligi Chräie !

Doch halt: geng nume läschterte, isch ou nid guet
Zwänzg Jahr Näbuchräie, da zieh mir dr Huet
Zwänzg Jahr lang so Schpüch, ig weis nid obis miech,
i säges jetz chli salopp,….bisch ä geile Siech

Jetz isch da die Hingis usem Nüt fürecho
U hett eis Pokäli nachem angere gno
Uf die Technik sött üses Schiteam ou poche
U vilech grad sofort dr Pirmin usloche.

I weiss i weiss, hür hei üs die Schiler vrsecklet
Di si bigoscht schneller gsi als weme wär gsecklet
Wüll ds Turin heisi guet ta, mir gäs ja zue, äs isch wahr,
de si di Bänk wo jetz chöme, halt scho für nächscht jahr

Tell

Meine Damen & Herren es ist soweit,
wieder ein Schweizer ist am Start
Ich bin schon mal gespannt,
wie lang er beim ersten Tor ausharrt
Wenn er am Ziel eintreffen wird,
dann geb ich euch Bescheid
Jetz wird er doch noch überrascht,
vom Einbruch der Dunkelheit

Am Louberhorn hüür, hät ä Schwizer fasch gwunne !
Leider hett är du bschisse, me hets gli usegfunge !
Me hett ne entlarvt, i has nid angers erwartet,
är isch äbe mit Vorsprung, ir Saison 04 scho gschtartet.

Leider hei mir dahie kener Zeichnige meh.
üse Zeichner het me ds letscht mal ds Dänemark gseh !
är isch üs untreu worde,mir tüe das sehr beduure
wüll är malt jetz für Zitige dert so Figure !

Schnälldurchlouf :

Wenn eine tannigi Hose het und hagebuechig Strümpf
de chaner Tanze wie är wott, äs git ihm keiner Rümpf

ganz churz hett d Sunne vori gschune
und I ha sofort begriffe
die isch nume schnäll cho luege,
wo si als nächschts wott häre schiffe

Hie ds Bärn, isch d Nella mal cho schwümme,
für üsi Aare meh ä Qual !
S het usgseh, fasch wi ds Londen,
i dr Themse denn dä Wahl.

Hätt vori hurti sölle brunze,
ha ou äs schöns Pissoir entdeckt.
Jetz heisi wäg dr Fasnacht
Doch dä Stadtbach no zuedeckt

Bim Fernseh gits doch da d Zitlupe,
grad bim Sport, tünkt mi das gschid
doch bi üsne schwizer Schiiler,
bruuchsch die Technik nid !

Wed ds vil hesch trunke & muesch chötzle
Chunsch im Fall scho chli i ds schwümme
Wüll du weisch ja, dert bim Stadtbach,
geit das äbe nümme

ds öschtrich ga ig jetz neu zum Arzt
us choschtegründ, äs macht vil us
dert flüge d Sprütze gratis,
grad scho im Sack zum Fänschter us

all die Medallie vo Turin,
die WC-Ringe, chasch vrgässe
lieber so ä Ring vo Willisou,
dä chasch ds mingscht am Schluss no frässe

Gäge Roucherhueschte hilfts dir sicher,
wett hörsch rouche, hilfsch ä Wett ?
jäää was hilft de jetz ächt eim,
wo d Vogelgrippe hett

zur Vogelgrippe wär no ds säge,
dases hütt, gnau wi ou früehner
ir schwiz doch das scho geng het gä,
ä huufe chranki Hüehner

St. Moriz het die beschte Pischte
Das isch scho bald ä alte Huet
Und i de Suite vo de Hotel
Dert isch zum Teil ou "Pulfer gut"

Bi dere Stade-de-Suisse Eröffnig
Hets mir d Luune schnäll vrdorbe,
i bi derthie, Du gloubsches chum,
wäg länger Wiili fasch vrschtorbe

Bi voll Erwartig denn ga luege,
s het mi schampar wunder gno
bi aber leider när du dümmer
weder gschider wider usecho

u üsem Bundes-Moriz, hets am Gring öppis verheit eh eh eh
Dä cha ä gschlagni Stung lang schnure,ohni dasmene vrsteit.

Hei no eine füre Beizer:
Bir Dessärcharte wod da hesch,
meinsch nid du sigsch dert ä chli ds politisch,
d Cupe Danmark wo dert Drinn hesch
isch im Ougeblick chli kritisch

Am Mister Schweiz si Bruef dä het,
ar Freouewält ja nid vil gnützt
isch dumm, wei eine nur no chräbelet
und überhoubt nümm schprützt

U mir Drei si afa froh chöi mir jetzt de langsam höre
dä Lim da vode Schneutz, dä brönnt de grausam a dr Schnöre
Schprüch hei mir jetz keini me, mir hei nüt me i dr Hang
ds einzige wo mir no wei, isch Wein, Weib und Gesang !

von almen Chrigel chunnt vo Wänge
und tuet sich nid grad freue
Die schwizer-nati Schiler,
störe ihn all Jahr bim heue

Ig orientiere no alli Groopies, i trinkti de gärn Bier,
chömet zahlrich zuemer, i bi ir Garderobe vier