Sonntag, 9. März 2014

Danke Bärner Fasnacht 2014!

Hoch gelobte Musketier-Gemeinde!
Die Berner Fasnacht 2014 ist Geschichte. Und so auch unsere Schnitzelbank-Saison!
Für alle die "Die drei Musketiere" verpasst... ooooder nicht genug von uns haben, hier unsere Schnitzelbänke in textform und als Video von der Thuner Fasnacht.

Es war uns eine Ehre!

Mit dreifachem Büchsensalut und klirrenden Degen

Die drei Musketiere!







Die drei Musketiere

da dä Vujo isch ja ä dumme Sohn, da muesme sich ja bsägne
dä het dr Chopf nur ufem Hals, dases nid dert drii tuet rägne
und öppis isch mir schleierhaft, i has eifach nid kapiert
wi het dä nur dr Batchelor gschafft, ah dä het bim Mörgeli studiert

Ja ferietechnisch het üse Stapi, äs Problem mit däm nöie Rächt
ä zwöiti Wohnig, ja das geit jetz nümm, das machtsech fürne „Sozi“ schlächt
Dr Tschäppu isch ä schlaue Fuchs, mir Bärner heis nid gmerkt, mir Affe
Är chouft sich ä Hütte mit Redli drann und d Zone heter grad sälber gschaffe.

Oppenheimbrunnen:
Wämm gfallt das vo Euch, üs nähm das mal wunger
Das sigi schins Kunscht…ja …vilech das drunger
tüür saniert ischer worde, üs tünkts überrisse
u zum luege isch är immer no glich vr….trout

äs heig luschtigi Pilzli, u no so Pflänzli a däm Brunne
gschlifregi Tierli, ou behaarti,…            obe und unge
und das, wülls geng füecht sig, ghörsch Biologe begründe
di fauna gäbs schins schüsch nur, bi de Hüttedorf-Fründe

Problem mit de Bäre di hei mir all Jahr,
sehr oft si si harmlos u nur sälte ä Gfahr
d Schäfer,d Jäger  und Bündner heine nid gärn
doch d Problem mit de Bäre heimer vorallem hie ds Bärn

är het Dräck am Bischofsstäcke, chunnt us Limburg und  tribts bunt
das Gschäft schtinkt öppe glich wi dr Chäs, wo ou us der Gägend chunnt
sogar dr Tüüfel het Respäkt: „i wott dä nid, i proteschtiere“
„de müessti ja d Höu, wäg somne Löu, no komplett renoviere“!

är sig ohni Schuld, het dä Barak beschwoore
glich tünkts mi, är heigi vrdammt grossi Ohre
irgendwenn giters zue, und geschteit voller Eckel
now i know misses Merkel……... is realy a Ferkel

Betroffe isch ou ds VBS, me heigis underschetzt
wüll d Amis hei ä Gheimagänt, uf üse Ueli ghetzt !
Dr Agänt het glost u glost u glost, u isch langsam schwächer worde
het glost u glost u glost und isch,…. us länger Wili……… gschtorbe

jetz wärde mir politisch wüll, unändlech gross isch üse Schmärz
Korruption und Willkür isch nüt, fürnes demokrate-Härz 
di Wält vrheit, ar bestächlechkeit, rund ume Globus sisch gewaltig
Vatikan, Fiva, Korea u d Russe…………….u d Ligeschaftsvrwaltig 

I ma nümm, i cha nümm, i wott nümme meh, meint ds Frölein vor Kasse zwöi
Am Samschtig dr ganz Tag, Donschtig Abevrchouf, u ewig lang nümm frei !
Si wöug ä neue Bruef zum chille, liebs MIGROS: „blas du mir i d Schue“
wüll als Pilotin vor Armee tüeng si, am Fritig Nami ds Büro zue !

Der gewünschte Kriegsteilnehmer kann momentan nicht erreicht werden
Bitte greifen sie später an !

Die neue Nationalfünf:
Äs het immer vil ds vil Stürmer wo, ufem Platz tüe umeschliche
dr Batchelor miech d Püetz allei, dä tuetne eifach überall iche
Dr Thomi, dr Sven u dr äschbi, mache Druck vo hingedra
u ä keusche Bischof, tüemer i ds Gool, u dä sött ja kene inela

Hoppla, da di Oprah mir hei üs gfragt was das sou
ohni Täschli, ohni Aschtang isch doch di Frou
das Fröilein im Gschäft het interpretiert
schwarzes Gäld i dr Schwiz, wird nümm akzeptiert

Ja Si isch ä wissi, heisst Schwarzer und het ,…..ou nid meh Vrstand
sisch ds Määrli vo dere Alice da, im Stüürwunderland .
D Frou Schwarzer macht Schwarzgäld okay, aber öppis cha ig nid vrstah 
Das si söfu Chlotz het verdient mit däm Seich, wo si ds Läbe lang use het gla


nid nume d Alice isch chli ä Böösi, 
ou dr Johann hett Chole,  gschuflet uf Jersy
äs schisselet scho chli, är wott sich jetz rette
Hannes tuet mitem Walzeli Woogeli glette !

Im Gmeindrat ke Kriise, ke Skandal, ke Fopa s git nüt ds lache
u jetz sötte mir arme Schnitzler no, so luschtigi Värse mache
i ha dr Tschäpätt gfragt um Rat, üs Bänkler göngs jetz ächt beschisse
„Chefsach“ het är gmeint und hett, schnäll äs Tschinggewitzli gschrisse

Tja… är het sich ja müeh gä. Mir hei üs aber gseit:
We mir sötte azeigt wärde, de wenigschtens wägemene guete Witz !


Schnelldurchlauf:
Da dä Hess, dä söttme chläpfe und zwar tagein, tagaus
Wüll üs tünkt, dä Gring  vrdient, settige Applaus

Mi Nachbar dä hets gmerkt, das i fasch nümm ma gschnuppe
bringt mir dr Bankuszug vo Coop, ä Dechi une warmi Suppe !

Ä Unfall het ä tschugger gmacht, mit Blauliecht u no bsoffe
„Jetz bini aber hölle schnaäll….. am Unfallort itroffe“

äs Fänschter kracht bim Gübelin, u das gseht grad d Polizei
är sig ä ke Dieb meint dä, är tanzi sich nur frei

Ä Durchsag no vom VBS: säg  „ja“ zum Gripen, bitte bitte !
so blibt dr Luftrum sicher,……………….… zu de Bürozite !

und vom Torbärg dä Diräkter, är dörfi schins dert witerbügle
dä cha ufem Hoger blibe, mues vorhär aber ds Büro zügle

u dä het gfutteret wine Rohrspatz, dir sit doch alles Gigle
wurum chame de die Bürotür, nur no vo uss u nümm vo inn vrrigle

ja dä Diräkter, är het Alptreum gha, är het gmeint är gsengi Gschpängschter
stell Dir vor, jetz het dä treumt, är heigi Gitterstäb am Fänschter !

Äs paar Buebe nä nang bim Gring, ä mordio Schlegerei
Däm seit me zwar jetz nümme so, däm seitme: Tanz dich frei

d Stadt Bärn het vilne Mieter kündet, gross isch dr Huufe vo de Schärbe
sisch ds hoffe dass die wo ke Wohnig me hei, nid ou no Stadtnomade  wärde

Und bitte:
Kei Chlag kei Azeig gäge üs, ja mir gsuches nid so gärn

u wes de glich nid sött ds vrmide si, dr Grichtsstand wär de Bärn