Liebe Leut
Willkommen auf unserer digitalen Pergament-Rolle.
Wir freuen uns, dass Ihr den Weg auf unsere Homepage gefunden habt.
Mit dreifachem Büchsensalut !!!
Unser Vorstellungslied
Wir sind di drei, drei Musketier,
si frächi Sieche, geng wi geng !
Ihr Leut ich bin der „Tschäppu“, bin Präsi dieser Stadt
Ich klebe fest am Sessel, ich geb mein Amt nicht ab
Ich amte meines Waltes und lebe hier im Prunk
und wird ein Hund verlocht, dann gibt es gratis einen Trunk
Wir sind di drei, drei Musketier,
si frächi Sieche, geng wi geng !
Der Grönemeier Herbert, hat manches Stück verkauft
Er hat auch Jahr für Jahr, eine CD neu getauft
Jedoch der Herbert sauer, sich seine Haare rauft,
ein Andrer wurde reicher und,…hat eine nur verkauft.
Wir sind di drei, drei Musketier,
si frächi Sieche, geng wi geng !
Seit achzehn achtundvierzig, gibt’s in diesem Lande
National und Bundesrat, einst wars ne Männerbande
Jedoch zweitausend zehn, haben zoberscht auf dem Sitz
Die Präsis keinen Schnurrbart mehr, sondern einen Schlitz
Wir sind di drei, drei Musketier,
si frächi Sieche, geng wi geng !
Und bei den Schwaben drüben, sagt hab ichs schon erzählt
Da kommen all die Deutschen leider,…. ohne Kopf zur Welt
Ein heisses Bügeleisen, nun jedes Kindlein kriegt,
es brennt dort auf dem Halse, biss eine mordio Blaater gibt.
Wir sind di drei, drei Musketier,
si frächi Sieche, geng wi geng !
*** *** ***
Unsere Schnitzelbänke
Vor dr Beiz eis rouke Lüt,
das isch gfährlech wine Moore
äs entzündet d Blase, d Lunge und,
eine sig schins scho erfrohre
äs tünkt mi bald, i wett fasch meine
das Gsetz sig ds sträng bemässe
lang geits nümm, und d Rouchwurscht muesch,
ufem Trottoir uss ga frässe !
Kasärne vo dr Füürwehr
chunnt chli tüür o herjee !
u ds grüene Bord für ds Wappetier
isch so schön, was wosch no meh
D„Stadtbauten“di sigi tschuld,
hayoz das het sich nid bewährt
am Schluss isch no dr Alex cho,
aber leider du ds „tschäpät“
D Frou Medwedew bim Staatsbsuech denn,
het üses Bärn beglückt.
Dr Stapi het sich no meh gfreut
isch grüüseli entzückt.
U dr Bundespräsi u dä Russepräsi
hei diplomatisch zäme gschmichlet
U üse Stapi het dr sider chli
dr Bär vor Gattin gschtriichlet.
Mir hei ds Plakat chli pimpet hüür,
äs tüecht üs bald chli schlaff
äs het sich ds äffli gwandlet hie,
zumne blööde Aff.
dr Bär, dä arm hei mir erlöst,
vilech ischs sogar dr Finn
a d Schnuer a ds chnüpple chäm üs drumm,
ä andre Tschaupi ds sinn.
Di schönschti Zit isch d Fasnacht
und glich gfährlech unerchannt !
D Froue si maskiert & gschminkt
beschwipst und unbekannt.
sisch biologisch mängisch ungwüss
essischs egau, mir Manne lö üs blände
ou da inne söttme konsequant,
di neue Nacktscanner vrwände
La Traviata bi de Zürcher im Houptbahnhof inne
La Bohème mitts im Block, äs tuet ne chli spinne
Jetz tribt mes uf d Spitze, wüll jetz wird de gsunge
Drei Groschen-Oper im Bärepark unge
Warum di grosse Ohre da, liebi Dooris, i bi entzückt
„Damit ich besser ghööre chan, was öises Land bedrückt“
und warum das riise Mundwärk da, das würdmi intressiere
„als Bundespräsidentin mues, ich gekonnt argumentiere“
u wurum di grosse Ouge, luegsch Du das ja keine tuet bschisse
„näi, käi Zit, bi under Druck, löhnd mich in Rueh la schisse.
Diner Ouge Evelin, di chame ja rugele
si fasch ä so gross, wi vo de Lindor die Chugele
Isch das gschwulle, oder geng so, i bi chli entsetzt
„näi, sisch nur wüll di Anderi dr Hafa no bsetzt“
Dr Ueli dä vrlangt im Kampf, gäg d Pirate uf hoher See
Äs füürrots Hemmli, das git Muet, blüetet är tuets niemer gseh
„si chöme! Ueli wosch ds Hemmli -fragt ä Soldat-mi Chef, i lose“
„Näi –seit Ueli ängschtlech- ich gläub ich nimm di bruune Hose !“
Wanderschue & Notwösch, Proviant & Lüchtgamasche
Taschelampe, Treupel & äs Funk ir Jaggetäsche
Lüchtrakete, Pellerine, ou no ä Kompass sötti mit
de ds Billiet no när ischs komplett: Ds Gisalpino-starter-kit
Bimne gsunde z`Mittag ohni Fleisch ohni Gaffi
fingt dr Moriz ä Rach gäge Muhammar Gadaffi
ä Supersanktion heig är jetze parat
öööö joo ö ab sofort ö käis öl in Salat
Äs Glashus ufem Bundesplatz, hetme häregschtellt
Stars und Stärnli hei dert gred, für jede Rappe zellt.
„und isch bin „Stress“ isch abe misch, sur Verfügung geschtellt“
zwar het ärs nid ganz kapiert ung gmeint:
„jede Raper zellt“ !
Schnälldurchlouf
Wenn eine tannigi Hose hett….
Im Tram im Bus im Zug,
sogar ir Chiuche gseschs nümm säute
tüe au di doofe Deppe
uf dene I-phone umetäuple.
Dr Tiger Woods, dä Machotyp,
het Froue noch und nöcher
Summa summarum het är Nüne
U das git grad 18 Löcher.
U wäg de Ungerhosebomber, wärs guet
da si mir überzoge
usschliesslech würd ab sofort,
nur no ohni Chleider gfloge.
U mir Drei, mir chöi nie flüge
wäg de Säbu u wäg de Plombe
u i de Hose hei mir drei
einewäg immer ä Bombe.
Im CERN dert suecht me schwarzi Löcher
doch die Physiker, die Kluege
würde gschider mal im Hirni
vo däm Hirschmann nacheluege
Bi däm Impfe, sisch erstunlech ,
wett dr Hirschmann ou mitmache
het sich freiwillig gmäldet,
zum Schlukimpfige ds mache
U dä Hirschmann het me gfange
Das isch ja ganz ä schlimme Finger
U d Iwohnergmein vo Gstaad
het, by the way, ou eine minger
üse Fuchs ds Bärn isch ä warme,
mir finde das Famos
üse Thommy isch dr einzig, Fuchs
dä geit uf keiner Hüehner los.
U dä Merz dä machts doch guet
het Schneid & Tämpramänt im Bluet
Aus dä Merz machts besser keine
Ig weiss, i fahre schliesslech sälber eine
Was hei d Gadaffigeisle gmeinsam
Mit em Kampfjet-krimi hie ?
Beides sorgt für roti Gringe und….
. . . . . . di chöme äuä nie
Dr Blocher treumt im Bicoflex
nid vom Toni u nid vo Sex
Är tröimt im Bett, was hilfsch ä Wett
„I wett i hett kes Minarett“
Und am Blöchu, sini Gattin
Ligt näbe dranne u tuet brichte:
„hei Christoph, wänn tuesch für mich,
dis Türmli mal ufrichte?“
Mir hei hüt no ä Mission
u müesse jetze leider höre
mir gö di Geisle ga befreie
u gä de Lybier uf d Schnöre
