Donnerstag, 14. Februar 2013

Berner Fasnacht 2013


Liebe Besucher unserer digitalen Pergamentrolle

Nachfolgend veröffentlich wir unsere streng geheimen Schnitzelbänke von der Berner Fasnacht 2013!

Schnitzelbänke 2013
Vo üser Schiinati gsesch hüür nid grad vil,
meischtens isches scho fiischter dunge im Ziel
die chöme scho no i d Hochform, hei, dräi nid grad düre
aber denn chunnt halt vilech, scho ds Gras wider füre !

Am Louberhorn hüür, hät ä Schwizer fasch gwunne!
Leider het är chli bschisse me hets gli usegfunge
Me het ne entlarvt, i has nid angers erwartet
Är isch mit Vorsprung, ir fändrige Saison scho gschtartet.

Meine Damen und Herren es ist soweit,
wieder ein Schweizer ist am Start.
Ich bin schon mal gespannt wie lang,
er beim ersten Tor ausharrt.
Wenn er am Ziel eintreffen wird,
dann geb ich euch Bescheid,
jetzt wird er doch noch überrascht
vom Einbruch der Dunkelheit.

wägem Fluglärm da das gliir, das cheibe Gschtürm mit dene Schwoobe
wed mi fragsch, ja mi tünktes bald, dene Schwoobe fälts da Oobe
mir zeige dene, was richtige Lärme isch
und zwar made in Switzerland
chum, mir stelle de Schwabe, ds Kloote mal
üses Vreni a Pischterand

Sponsoring:
Dä Värs isch gschponseret vom blaue Bänli.
„im Gägesatz zum Vreni, quitsche üser Trämmli weni


Me suecht ä neue Batchelor, ä Charmeur, ä Froueschwarm
guet situiert, mit Tämpramänt, mit südländischem Charme
i d Chränz cha nume eine cho, üses bunga-bunga-Silvio-Schweini
doch är winkt ab: „No Grazie, igge wotte am Schluss nid nume Eini“!

U wider einisch chlepfts ir Ritschuel, äs git äs riise Glöif
bim Tonner jetz geits ruch, gäg Tschugger flüge d Steine töif
ä Linke Aktivischt, us Visp, heisi gschnappet z mitts in Bärn
är heigi nur welle ä Gfallu tüe, im Vollis heige Bulle d Steine gärn

Die höche Herre Ständerät, hocke vrschtoubt i ihrem Stöckli
Si chrümme ä ke Finger und, drücke niemals ufnes Chnöpfli
Si heis ja wölle ändere, äs het du eine Atrag gschtellt
d Mehrheit wär dürfür gsi doch, leider het me sech vrzellt

Me sött ä neue Razzi ha, wär öpper vo euch grad parat ?
euch ghörti dr Himu uf ärde, u drzue no grad ä chliine Staat
latinisch parliere wär vorteilhaft, de chasch dir alls amasse
chli Fromm si müesstisch ou und enthlatsam, einigermasse

U das rote Ursi, i schuume grad wyss, jetz isches duss, schiins wott si
dr Sässu übernäh vo üsem, blaue…rote Edelsozi
„l ètat c èst moi“, dänkt Alex im gheime, i bi immer no dr Platzhirsch
Das weis nume ig, i lase la warte bis di roti Wyss…… schwarz isch

Im Bahnhof hets ä Unfall gä, dr Tschäppu heig fasch ds Läbe gla
D SBB sig ohni Schuld, me heig doch gwarnet gha
Reisende auf dem Bahnsteig werden dringlich darum gebeten
bei Einfahrt des schnellen Zuges zur rechten...Zeit zurück zu treten

dä Summer bi de Grieche, i de Ferie, äs Fischli
zum Znacht, chli grilliert am romantische Tischli
chunnt sone Griech, sone Siech: „I söll Feta ga hole“
Fisch grilliere das göng nümm, si heige ke Chole !

Am sächste Jänner, drei chünigs-Tag, u i has chli vrgässe
ha ds Plastigfigürli im vrgäss, grad mitem Chueche gfrässe.
Jetz teili ds gliiche Glück mit eire, vor Fröid fah ig grad afa tanze
Ds kate vo ängland und ig mir hei, jetz beidi ä Chünig im Ranze

u we mir die Nacht überstange hei, ritte mir hei zu üsne Froue
all drei voll Konfettti u vorallem…… Sturtz-Stärnehaguvoue
no schnäll äs Chötzi i ds foyer, d Frou tuet göisse u druffe gschlifere
„Schätzi, was söll das Pääg i dr Nacht, wott Zalando no öppis


Schnelldurchlauf
Äs gniesser-Weekend wünscht sich d Frou, mit vil Spass und ohni Sorge
“ja gärn und tschüss mi Schatz meint är, de gseh mir üs am Mäntig morge !“

Chli Doping ufem Rennvelo, das git Pfupf, das isch enorm
U sibe Jährli später hesch, dürfür chli shiting-Storm

äs gitt ke Sitte me in Bärn,wüll ds Ursi Wyss üs wott belehre
pfui !! mir Bärner söuge meh, öffentlech vrchere

Es tut rumoore in der Waldau, hä di sollten sich besinnen :
Ich gloub mehr noch als die Kunden, tut dort die Leitung spinnen

Uf ke Fall me dörf si schwanger wärde, meint mi Frou, das wär schins dumm
Ganz neu bi i doch underbunde Schatz , da meint si: „ja äbe drum !“

von Allmens Chrigel Buur us Wenge, tuet sech nid grad erfreue
di cheibe schwizer Schiiler störe ihn all Jahr bim heue

und üser schwizer Schiiler, gloubets üs, das isch zum pääge
di hei ungefür a de schi, a de Kante Widerhääge

Was ds Vreneli ma gsinge, vrmöge Schwizerschiler ds schliiche
Das isch ghupft was gschprunge, ds Resultat isch öppe ds gliiche

Bim Fernseh gits doch da Zitlupe, grad bim Sport tünkt mi das gschid
doch bi üsne schwizer Schiiler,
bruuchts……………….di…………..…..Technik…………….nid

ds mingscht im Branchefrömde Business, si üser Sportklups super druf
dr SCB betribt 8 Beize, und YB het äs Puff

Wüll die nach Malmö i Chriegsdienscht zie, springe mir drei halt i d Presche
ar nötige Frömmi fählts üs emu fängs nid, und ou Traktätli chöi mir drösche
mir gseh ersch no besser us, u vrschüche bim singe o uno grad d Müüs
ou mir tüe sammle fürne guete Zwäck, u dr Erlös dä geit….. zu üs

Fasnacht 2013, Thun

Liebe Freunde der frechen Seite des Lebens
Für alle die zu fest auf dem Sofa klebten um an die Fasnacht zu kommen (oder die zu spät waren und alles schon proppenvoll war), hat ein Lausbub unseren Auftritt in Thun audiovideodigitalisiert.
Sämtliche Protagonisten des Streifens sind frei erfunden und allfällige Parallelen zum echten Leben sind absolut reiner Zufall.


Mit dreifachem Büchsensalut!!!