Freitag, 27. Februar 2009

Schnitzelbänke - Die drei Musketiere

Berner Fasnacht 2009


Dr Unterschid vom Eiffelturm zum Kader vor Armee
dä lit doch uf dr Hand, du wirsches jetz grad gseh
Jetz los guet zue, pas uf, hei gäu äs nimmt di wunger
bim Turm da isches so, da si di gröschte Niete… unger !

Die Niete vor Armee, di isch jetz nümme Chef
wüll Sami Schmid hets gmerkt, die Niete die isch „Nef(f)“
Chasch säge jetz wasd wosch, vilech maschims sogar gönne
aber eis das mueschim lah, internetle het är chönne

üse Sämi, är hets ja nid so schlächt gmacht
het halt bärnisch regiert, halt ender bedacht
schad isch du gsi, das är faltsch het bemässe
zwar ä Huufe het gschnurret, aber d Helfti vrgässe

di Zouberfee zum Sämi seit:
„Hesch ä Wunsch frei, gäll famos!“
Wosch äs Hirni wine Elefant
oder ä Püntu, mordio gross
Samis Vreni fragt jetz „Sami !“
„wi hesch entschide? Süsch gits nüt ds ässe“
„los mi Schatz“ seit Sami:
„das hani grad vrgässe“

Zum Schutz vo de Schiff gäg Pirate-attake
bruuchts eigentlech nume di richtigi Flagge !
Dr Pirat erkennt schnäll, dert gits nüt ds hole
sones UBS-Fähndli bedütet “ ke Chole“ !

Ja woisch de di Hayoz, di Olibet, oder d Rytz
wott niemer me schnure isch de niemer me spitz
Nidmau meh dr Tschäppu trout sech no füre
Tja dir wüssts liebi Lüt: „D Wahle si halt düre!“




Ein berner Bauer namens Housi flucht
der Jahre schon ein Weibsbild sucht
Sie muss nicht schlau sein, nicht verrucht
auch nicht schön und gut betucht
Nein: weil er am Hofe Hilfe bruucht
weil dies des Housis Stirn zerfurcht,
geht er zum Fernsehn: Bauer-ledig-sucht !

Das Schaf seit zu disem: „läck mir bini froh“
het dr Buur, dankem Fernseh no eini becho
jetz het dä gnue z tüe, mit sine zwöi Wiiber
u üser Fudi heis guet di si usem schnider

Wetterregel:
Liebt der Bauer seine Neue sehr
Braucht er keine Schafe mehr


Di Amis hei ä Präsi gwält , ändlech schteit ä nöie vore
schleuer, gröser, schwärzer, schlank u glöibig wine Moore
dr Christoph het üs gfragt um Rat, mir sige doch nid Dumm
da hei mir drei gseit: „yes you can“ hous i ds Solarium

Das Wärk hie, läbt vore colore-mannigfaltige diversivizierig
äs widerspieglet, polyvalänt üsi rot-grüen Regierig
Abstrahiert us dr Reihe tanzt zwar dä Lappi
U wurum isch dä Blau? Aaah dasch dr Schtapi


Ja dr „Grään slääm“ isch furt, i bin gläi vrruggt
han sogar miesse briegge, han ä Trääne vrdruggt
ds näggscht mal gib mer meh Mieh, sicher ich schwör
ich mues eifach nur duure gho, durs „Nadal-öhr“

verlässt die Bauersfrau das Haus,
reissen auch die Schafe aus


i bi ume mal ds Predig, wüllme doch sett
da hett eine Groukt, ds mitts im Gebätt
jä rouke ir Chilche, das isch doch zum schreie
i has gseh u vor Chlupf grad mis Bierli la gheie

will die Bäuerin vom Hofe gehen,
die Schafe an den Wänden stehn


ja los jetz heilanddonner, das isch eifach gopferdammi
eigentlech no geil, aber dä Wixer dert dä chami
s isch zwar ä riise Schissdräck
lueg di doch ah du huerebock;
ja scheisse mann, so tönts halt,
we dr Gölä i dr Jury hockt


Schnälldurchlouf:



Wenn eine tannigi Hose hett….

Üses Volk wird immer älter
für d AHV ä schwäri Bürde
de würds natürlech hälfe, wenn
no meh mit 12 schwanger würde

Dr Haider het si Chare gfaltet
Fasch wi dr Balg vo üsem örgeli
Chli minger konsequänt heis nachegmacht
Dr Blatter u dr Mörgeli

was Katholike mache, das isch doch gar nid schlächt
u dr Benedikt dr Razzi, mi tünkts dä isch scho rächt…s

Ich tu scho Berndütsch schwetze
Ma tut nüüt me merke, ohne säich
Doch sägi jedem „Hans-dieter“
Geh wieder heim ins Reich

ja dä Vatikan wird stränger,
är schiebt de Schäfli schön dr Rigu
üs drei tünkts dä Papscht
sig ender chli ä …. fromme

juhuii di Servala isch grettet
u i ha scho afa jufle
für di Därm hätt i scho fasch,
ä Schmugglertunnel afa schufle

u mir drei tüe üs freue,
we mir mitere Süesse
Rumänin äs freizügigs
Abkomme chöi beschliesse

Di Postfinance di zahlt,
üs di Arena hie in Bern
u d UBS di sponseret
ds schwarze Loch
dert ds Gänf im CERN

Bald zwöi Jahrzänt hockt jetz dr Moriz,
mittlerwile a sim Pult
Ä chläbige Harz am Füdle,
sig dadürfür schins tschuld

wi heisst jetz da dä Füdlezug
dä wo doch Tschingge zäme schweisse
das wisse Gschwür wo geng blibt stah
a ja! Schiss…alpino het är gheisse

No suurer machts dr Kurer
ja dr Bonus-schuss isch duss
är seit: „ohni Boni isch nid guetti,
jä süsch wohni ume bim Muetti“

Wenn du jetz wettisch das mir höre,
vilech bisch vo üs nid „fan“
de chöi mir Di vrtröschte,
u säge „yes we can“

u falls mir di hei gnärvt
chasch dä füfliber süsch vrchutte
mir wäre nume froh
we kene Schueh tät füre schutte

u mir drei si jetz de froh,
chöi mir de öppe höre,
wüll dä Lim da vo de Schnöitz
dä brönnt de grausam a dr Schnöre

Schprüch hei mir jetz keini me, mir hei nüt me i dr Hang
ds einzige wo mir no wei, isch Wein, Weib und Gesang !


Mit dreifachem Büchsensalut!!!

2 Kommentare:

Anonym hat gesagt…

Hallo zämä.
Chame öich o angaschiere für näb der Fasnacht? Fasnacht Interne Abe im Novämber?

Unknown hat gesagt…

How to register a new bet365 account | Sportsbook - Airjordan 7
Bet365 is one of the best betting 룰렛 게임 sites good retro jordans in the world when it comes to mobile Air Jordan 12 retro betting. We'll titanium earrings show you how you can use the Bet365 หารายได้เสริม app